سب رسولِ خدا بن کے آئے ، وہﷺ حبیبِ خدا بن کے آیا

پیکرِ دلربا بن کے آیا ، روحِ ارض و سماں بن کے آیا

سب رسولِ خدا بن کے آئے ، وہﷺ حبیبِ خدا بن کے آیا

حضرتِ آمنہ رضی اللہ عنہ کا دلارا ، وہﷺؐ حلیمہ کی آنکھوں کا تارا

وہ شکستہ دلوں کا سہارا ، بے کسوں کی دعا بن کے آیا

تاجداروں نے دی ہے سلامی ، بادشاہوں نے کی ہے غلامی

بے مثال اس کا اسمِ گرامی ، مصطفٰیﷺؐ مجتبٰیﷺ بن کے آیا

دستِ قدرت نے ایسا سجایا ، حسنِ تخلیق کو رشک آیا

جس کا پایہ کسی نے پایا ، وہ خدا کی رضا بن کے آیا

وہ نبی رحمتِ عالمیںﷺ ہیں جو بھی ہے اس کے زیرِ نگیں ہے

ایسا مختار دیکھا نہیں ہے ، جیسا خیر الورٰیﷺ بن کے آیا

مسندِ ناز عرشِ بریں ہے ، بوریا جس کا فرشِ زمیں ہے

در کا دربان روح الامیں ہے ، سرورِ انبیاءﷺؐ بن کے آیا

کیا ظہوری لکھے شان اس کی ، مدح کرتا ہے قرآن جس کی

نعت پڑھتا ہے حسان اس کی ، جو میرا رہنما بن کے آیا۔

فداک روحی و قلبی یا رسول اللہ

صلی اللہ علیہ والہ وسلم ❤

#AhsanNetworkOfficial 

#Naat #Kalam #Pekar_e_Dilruba_ban_k_aya