قلب عاشق ہے اب پارہ پارہ اَلوداع اَلوداع ماہِ رمضاں

قلب عاشق ہے اب پارہ پارہ   اَلوداع اَلوداع ماہِ رمضاں

کلفتِ ہجر و فرقت نے مارا اَلوداع اَلوداع ماہِ رمضاں

تیرے آنے سے دل خوش ہوا تھا اور ذَوقِ عبادت بڑھا تھا

آہ! اب دل پہ ہے غم کا غَلبہ     اَلوداع اَلوداع ماہِ رمضاں

مسجدوں میں  بہار آگئی تھی            جوق در جوق آتے نمازی

ہو گیا کم نمازوں کا جذبہ     اَلوداع اَلوداع ماہِ رمضاں

بزمِ اِفطار سجتی تھی کیسی!    خوب سحری کی رونق بھی ہوتی

سب سماں ہو گیا سُونا سُونا    اَلوداع اَلوداع ماہِ رمضاں

تیرے دیوانے اب رَو رہے ہیں مضطرب سب کے  سب ہو رہے ہیں

ہائے اب وقت رخصت ہے           آیا اَلوداع اَلوداع ماہِ رمضاں

تیرا غم ہم کو تڑپا رہا ہے     آتش شوق بھڑکا رہا ہے

پھٹ رہا ہے ترے غم میں  سینہ       اَلوداع اَلوداع ماہِ رمضاں

یاد رَمضاں کی تڑپا رہی ہے             آنسوؤں کی جھڑی لگ گئی ہے

کہہ رہا ہے یہ ہر ایک قطرہ اَلوداع اَلوداع ماہِ رمضاں

دل کے  ٹکڑے ہوئے جا  رہے ہیں   تیرے عاشق مرے جا  رہے ہیں

رو رو کہتا ہے ہر اک بچارہ اَلوداع اَلوداع ماہِ رمضاں

حسرتا ماہِ رَمضاں کی رخصت           قلب عشاق پر ہے قِیامت

کون دے گا انہیں اب دِلاسا          اَلوداع اَلوداع ماہِ رمضاں

کوہِ غم عاشقوں پر پڑا ہے    ہر کوئی خون اب رو رہا ہے

کہہ رہا ہے یہ ہر غم کا مارا     اَلوداع اَلوداع ماہِ رمضاں

تم پہ لاکھوں سلام ماہِ رمضاں اَلوداع آہ! اے رب کے  مہماں !

جا ؤ حافِظ خدا اب تمہارا     اَلوداع اَلوداع ماہِ رمضاں

نیکیاں کچھ نہ ہم کر سکے  ہیں            آہ! عصیاں میں  ہی دن کٹے ہیں

ہائے! غفلت میں  تجھ کو گُزارا         اَلوداع اَلوداع ماہِ رمضاں

واسطہ تجھ کو میٹھے نبی کا       حشر میں  ہم کو مت بھول جا نا

روزِ محشر ہمیں  بخشوانا       اَلوداع اَلوداع ماہِ رمضاں

جب گزر جا ئیں گے ماہ گیارہ            تیری آمد کا پھر شور ہوگا

کیا مری زندگی کا بھروسا   اَلوداع اَلوداع ماہِ رمضاں

ماہِ رَمضاں کی رنگیں فضاؤ!             ابر رَحمت سے مملو ہواؤ

 لو سلام آخِری اب ہمارا     اَلوداع اَلوداع ماہِ رمضاں

کچھ نہ حسن عمل کر سکا ہوں            نذر چند اشک میں  کر رہا ہوں

بس یہی ہے مرا کل اَثاثہ   اَلوداع اَلوداع ماہِ رمضاں

ہائے عطارِؔ بدکار کاہِل        رہ گیا یہ عبادت سے غافل

اس سے خوش ہو کے  ہونا روانہ       اَلوداع اَلوداع ماہِ رمضاں

سالِ آیندہ شاہِ حرم تم      کرنا عطارؔ پر یہ کرم تم

تم مدینے میں  رَمضاں دِکھانا                      الوداع الوداع ماہِ رمضاں

(وسائل بخشش ص۶۵۱)

https://youtube.com/channel/UCCPwWh1q2PPaA1rf5JgYMbQ